本作“猛鬼大厦”，名取自香港电影《猛鬼大厦》。不过，仅只系取名啧，内容完全唔同。
其中的故事，似乎系根据前几年嘅一部TVB剧《金宵大厦》来设定嘅，从而分出多个单元故事线。而大厦环境咧，都有种2013年嗰部《僵尸》嘅味。
《猛鬼大厦》系一部视觉小说恐怖游戏，还原咗香港老公屋的一些都市传说。以多张立绘作为背景设立对话场景，再用人物之间的对话同描述神态来推进剧情。
全程几乎冇乜尿点，通过一个替工保安嘅视角来体验呢几日喺度发生的离奇事件，巡楼、看更并捻计劝说剩余滴居民搬离呢幢公屋。同埋呢度的住客，师奶、靓女、大叔、四眼佬等等的故事。对于恐怖内容咧，都只系Jump Scare啧。
中间会插入滴滴互动点击的环节，用于了解呢个游戏世界嘅细节；
喺剧情嘅关键时刻，仲有故事分支选择叮；
除此之外，仲有几个需要操作，抓timing嘅游戏关卡，有少少吓人，但系唔会卡住，5次之后就可以跳关啦！
虽然游戏便，但系一D都唔短喔。主线剧情大概7个钟啦，而且仲有多个结局，之后仲会解锁支线剧情体验，让玩家可以花多滴时间留底喺度。
需要注意的系符合香港的计楼层方式，将最底层保安住的嗰层楼叫做底层，然之后先系1楼（即我地认为的2楼）。本作涉及咗6层楼，喺我地呢边的讲法就是7层楼啦。不过为咗更好的介绍，就照着游戏中的设定嚟。
而本作的话题核心，其实系围绕住一张由于老公屋拆迁复建，旧居民需要签名确认的“搬迁同意书”展开嘅。呢6层楼又可以当作为唔同的故事单元喔。
譬如话如今我地可以玩到嘅只得系“一楼的锁匠”，因此游戏开始与结局，甚至后续都系围绕住一楼呢个住户开始的，而其它的咧暂时只得系支线里边得多故事线。
至于有冇其它单元，比如心心念念的住喺嗰个六楼的靓妹仔、五楼嗰个阴公嘅阿梅，仲有个好嗦嘅御姐赖小姐等等故事，就睇傅老师嘅啦！
公屋环境与邻里街坊都有少少《僵尸》的味。
譬如房间布置，都系铁栅栏、木大门，入屋只得一间房，既系厅又系房，食饭台、瞓觉嘅床，电视柜等等摆系一个空间里边；大门口都有个排气窗，有个冷气机嘅；正对大门嘅咧仲有个小阳台；洗菜煮饭洗衫晾杉厕所都喺度啦。
楼道狭窄，中间挖空咗好似天井。而本作的设定就系1~3楼为室内楼道，4楼开始中间挖空咗，作为天井，而4楼就如同一个室内花园咁样嘅。
邻里关系，互相认识互相照顾。对于有冇鬼呢件事，大家都心照不宣啦。真如四眼道长系电影里边讲嘅：同屋住嚟嘅，边个地方冇阿，他们都系跟地又唔系跟着屋，我喺度先几廿年，佢地都百几年啦。
所以咧，入屋敲门，讲声打搅，都系礼节嚟嘅喔。主角咁唔生性，惹埋嚄上身都唔算奇怪啦。
讲到配音就觉得奇啦。
不知系游戏的恐怖特色，仲系配音出咗问题，士多门口的阿伯，同埋游戏里边滴对话，有时讲住讲住，声音就怪怪地变咗，好似有干扰咁，但系游戏对话又正常进行，系bug仲系我自己运行游戏的问题阿？
一开始仲以为系作者自己配音，佢变声器坏咗，估唔到真系请嚟唔少配音演员喔。
游戏初期几章嘅对话有明显嘅念稿感，生硬，语气与情景多少有D九唔搭八，闭上眼只听唔睇画面，就好似两个人喺录音棚度自己念自己嘅。
后来随着剧情进行，好似入着戏，都几唔错啦。尤其系嗰个道士，哇，系咪请翻林雪啊，咁似嘅！
（序幕中阿娟讲“银行保险柜”，改成“银行夹万”系咪好滴咧？）
地道的配音，本土风格嘅画面，老电影咁嘅滤镜（可自行选择关闭）多重艺术层面的混搭，讲呢个游戏互动做的唔系甘好的短处全都遮埋啦。
剧本写的好出色，一张“同意书”似乎唔单指系同意搬迁，佢系一种心理斗争的过程，系留恋、系不舍，而签咗佢之后，有可能代表着释怀、又或者解脱。
而鬼咧，正常的鬼系唔会害人嘅，佢地会出现系因为佢地需要“你”睇到佢地，因为遗憾、执着或者仇恨死去的佢地，变成阴森、冷漠、恐怖的“野”，却留下咗一段柔情喺人间，仍然感动着我地。
同时，有着好多细节只得广东本土得人先知道嘅。譬如话鸡公碗啦，仲有“挥春”啦，指春联，呢时门边又挂住个“晖春三得报,心草寸言谁” (其实系《游子吟》中的“谁言寸草心，报得三春晖”) 的字画，于是主角第一时间无法理解到。
再譬如许多牛皮藓广告：维他妈啦，妈他柠檬茶啦，都系香港饮料品牌“维他”系列嘅饮品，真系港味十足，未当佢系个恐怖游戏嚟玩啊！